Ekimen propioko proiektuak
Ezagutza, esperientzia eta baliabide teknologikoak batzen ditugu, produktu eta zerbitzu berriak garatzeko, gizartearen eskaerei irtenbide erreal eta eraginkorrak emango dizkieten proiektuak sortuz.
Bertatik, hain zuzen, gizarteratze enpresa bat da, gizartean baztertuta dauden pertsonen gizarteratzea eta laneratzea sustatzen duena, eta, aldi berean, tokiko elikagaiek Gipuzkoako etxe, enpresa edo jantokietako mahaietan gero eta presentzia handiagoa izan dezaten lan egiten duena, eskaintza zabal baten bidez.
Gazte Enplegurako Harrera Sistema da Batzen, eta Gipuzkoako Foru Aldundiko Babes eta Gizarteratze Sareko 16-23 urte bitarteko gazteak gizarteratzea eta laneratzea du helburu.
Auzosare lankidetza publiko-komunitarioko proiektu berritzailea da, teknologia, esku hartze soziala eta aktibazio komunitarioa uztartzen dituena, bakardade egoera hauskorretan dauden pertsonen bizi kalitatea prebentzioaren ikuspegitik aurreikusi eta hobetzeko.
TRANSISLAB Eusko Jaurlaritzak gidatutako eta INTERREG POCTEFA programak diruz lagundutako proiektua da, eta Euskadiko, Nafarroako, Akitania Berriko eta Okzitaniako gizarte-erakundeek, administrazio publikoek eta enpresek parte hartzen dugu.
2024, 2025 eta 2026 urteetan zehar, mugaz gaindiko Living Lab bat esperimentatzeko lan egingo dugu, eskualde horietako landa-eremuetan bizitza-luzeraren inguruko gizarte-berrikuntzari buruzkoa, erabilera partekatuko esperimentazio-azpiegitura gisa, 6 esperientzia pilotu bultzatzeko.